[starLab] [starLab] [aa]
 

〜 GC/gserthang08/text 〜

Top > GC > gserthang08 > text

『世界知識行 黄金の平原』第八章 原文校訂テキスト  

書誌  

ホルカン版

凡例  

  • GC/gserthang01/textにならいます。
  • ただし,ページの記し方は,(p.xxx)ではなく,(h249)のように,ホルカン版であることを明示します。ピリオドは入れない。
  • 図版の挿入箇所には[illust.]と入力します。
  • 01〜15の区分は暫定的なものです。後で内容に応じて変更します。
  • 本文中の《》()などは全角のカッコを使用。
  • 不明箇所は【】でくくる。

入力,校正責任者  

  • ひとまず星が責任を持って入力します。

01  

(h247) brgyad pa sngon dang da lta'i bar yul so so'i yig rigs //

da ni 'di bsam par bya ste /

ches gna' bo'i dus shig na ni yul gru gang du yang yi ge med par nges la / da dung yang rgya gar shar gyi glo pa dang / ab ri ka'i yul zhig ro sogs nags su gnas shing / ci yang gsar du slob par mi rtsom pa dag la yi ge med do /

de la mi'i rigs rgyud chen 'ga' zhig la shes rab skye ba'i 'go brtsams pa na / sngon gyi mi rnams thog mar ri mo bri ba'i las byas te rim gyis yig ge yang byung bar mngon /

de yang yi ge'i gzugs a'di la rang bzhin gyis byung ba zhig dang / mkhas pa rnams kyis ched du byas pa gnyis las / snga ma ni dbayngs gsal sogs phyi mo nyung ngu zhig gi nang du bsdud pa med cing / brjod bya ka bum sogs kyi dngos po dang rjod byed kyi sgra re re bzhin yig 'bru re bcos pa yin no //

de lta bu'i yi ge yang 'dzam gling gi yul gru mang po zhig tu dar ba'i 'go btsugs par mngon kyang rim gyis nub pa yin la / de dag las rgyun ring poa'i bar byung ba ni / nub phyogs kyi e rjib rnams dang / shar gyi rgya nag gi yi ge yin no /

de la rgya nag rnams kyi yi ge ni da dung yang sngar gyi rang byung yi (h248) ge de'i rgyud pa yin pas dbyangs gsal sogs kyi phyi mo nyung ngur bsdus pa med do //

e rjib rnams kyi yi ge yang rim gyis gzugs 'gyur nas kharoSHTa'i yi ge dang / de yang 'gyur nas uru su'i yi ge byung ba /

da lta he tsi rnams kyi yi ge 'di yin kyang / phyis tsa na phyi mo la bsdus pas da lta yi ge rtsa ba tsam la nyis sbrel sums sbrel byas te rang re bzhin klog pa yin no //

rgya gar gyi nub ngos kyi yul gru phal cher la nang gses khyad cung re ma gtogs yig gzugs 'di rang yin la / o rgyan kyang sngon kharoSHTa'i yi ge bri bas lo paN thang yig gi mjug tu o rgyan gyi yi ge nya'i sgal pa 'dra ba sogs bris pa la [illust.] 'di ltar yod pa / nya rgyus sgal tshigs ltar snang ba dang 'byor /

de la sngon gyi mi rnams pho nya gtong ba sogs byed pa na / gang mkho ba'i yo byad gri dang snam bu / bum pa lta bu la gzugs ris dngos su bris nas gtong ba yin la / rim gyis lag mi bde ba dag gis bris pa'o // [illust.]

mgyogs par bris pa'i dbang gyis sngar gyi gri dang / snam bu / bum pa gsum [illust.] 'di ltar gyur nas yi ge'i gzugs byung ba yin no //

rgya nag pa'i sngon gyi yi ge yang gzugs dngos su yod pa dpe ris ltar la / e ljib rnams kyi ro sgrom lo stong phrag mang po song ba dag gi steng la [illust.] (h249) gzugs ris (text: rig) 'di 'dra rnams gral du byas nas bris shing / re re bzhin tshon gyis spras pa sogs kyang byas te de dag kyang yi ge yin la klog kyang nus / don yang yod do //

02  

'di dag mthong tshe rang re'i srid pa'i phyag rgya dang / gzhan yang bsrung ba'i byang bu mang po zhig gi steng na tho brtsegs su yod pa'i gzugs bris sna tshogs shig yod pa 'di dag kyang gna' dus kyi yi ge'am / sngags kyi gzugs la sogs pa min nam snam ste / dper na der gza' bris pa rnams la nyi ma la [illust.] gzugs 'di dang / zla ba la [illust.] 'di dang / mig dmar la [illust.] 'di la sogs pa bris pa bzhin no //

de ltar gna' dus su yi ge brjod bya rags tsam bri ba las / 'brel sgra / byed sgra sogs med pa'am yang na klog mkhan gyi skabs thob bzhin sbyor dgos par nges la rim gyis mi spyang grung can gyis rnam dbye thams cad kyang yig gzugs ci yang rung bar bris pa rgya nag gi yi ge la snang ba bzhin no //

yi ge phyi mo skad kyi gdangs la mkho ba rnams zur du bsdus nas yi ge byas pa ni mkhas pa rnam dpyod can gyis mdzad pa yin te / yig rigs drug cu rtsa bzhir bgrang ba de dag yin cing / de thams cad phal cher gyi dang po'i phyi mo'am 'byung khungs ni ston pa'i sku dus tsa (text: rtsa) na byung ba'i rgya gar dbus kyi yi ge 'di yin par mthong la / 'di la deng sang bram ze'i yi ge'am tshangs pa'i yi ger 'bod do //

de las rim gyis yawana'i yi ge byung zhing / de las ro man sogs kyi yi ge 'phel ba'i phyi gling 'jar man / u ru su sogs thams cad kyi yi ge'i phyi mo yang bram ze'i yi ge 'di yin la / (h250) gzugs kyang shin tu 'dra ba mthong ngo //

'on kyang dbyangs gsal bsdu lugs ni rgya gar gyi de lta bu'i gtsang sang ba su la yang mi snang zhing / rang re'i bod dang / shyam / bhar ma / singga la sogs kyang yi ge 'di las byas pa yin pas 'dzam bu'i gling 'dir rgya nag dang / he tsi'i yi ge bsal ba'i lhag ma'i yig rigs ji snyed pa thams cad kyi rtsa ba gcig tu shes so //

lho phyogs su pha ran yi ge gzhung rnams gor du phyin te sing ga dang dharma (text: singgadangdharma) rnams a lung lta bu'i yi ge bris / da lta'i bar du rang re kun gyi bsam ngor sangs rgyas zhal bzhugs dus nas thu mis bod yig gsar bzo mdzad pa sogs kyi skabs kun tu rgya gar dbus kyi yi ge de lanytsa dang watula'i gzugs su yod snam pa 'di yin kyang / sngon dang phyis kyi yi ge ches rnam pa mi mthun pa ston pa dang / gupta'i rgyal brgyud kyi skabs su byung ba'i yi ge 'di ltar yin te / ston pa sogs kyi sku dus tsa na byung ba'i magadha'i yi ge //

[illust.]

(h251) [illust.]

(h252) [illust.]

gcig la gnyis gsum sbyar ba rnams rdo ring so sor 'bri lugs cung mi 'dra bar byas pa rnams yin no //

03  

ston pa 'das nas mi ring bar byung ba chos rgyal mya ngan med kyi rdo ring dang yi ge / waraNasi / kalingka / girinagara la sogs pa'i rgya gar mtha' dbus kyi yul gru du mar yod pa dag la yig gzugs 'di kho na yod pa da lta yang mthong ba'i yul du yod pa 'di bzhin dang / ma skyes dgra la sogs pa'i dus su sbas pa'i ston pa dang / mchog zung sogs kyi sku rus gser dngul gyi gar bu dang / rdo sgrom du bcug pa sngon gyi mchod rten zhig ral nas thon pa dag la yang phyi sgrom gyi kha bayng la [illust.] budhadhatu sogs yi ge 'di kho na yod pa'i phyir dang / mdor na / mya ngan med kyi rgyal brgyud yan la byung ba'i yig 'bru re gnyis tsam brag ngos sogs na kha byang lta bur yod pa tshun yang yig gzugs 'di kho na yin pa'i phyir ro //

de'i phyir 'khrul med kyi mdo rgyud dang / gna' dus kyi dgongs 'grel bcas pa nas yi ge gzugs kyi dbang du byas pa'i bshad pa ji snyed byung ba rnams yig gzugs 'di kho na la bsgrig dgos shing / bsgrig btub pa yang yin te /

dper na / 'dul ba lung las / rngon pa des gzhu (h253) Ta'i dbyibs lta bu rna drung du bkang ste gsungs pa lta bu la lanytsa'i Ta [illust.] 'di dang watu la [illust.] 'di ltar yod pa gzhu dang 'dra don mi 'dug kyang 'di'i Ta 'di ltar 'dug pa [illust.] gzhu dngos ltar 'dug pa dang / rgya gar gyi gzhu 'chang bzung rgya nag gi ltar med pa de la lhag par yang 'dra ba dang /

《saMbh'uTi》 las / zur gsum dag pa e yi dbyibs / zhes dang

kyai rdo rje'i sgrub thabs gnyis med rdo rjes mdzad par / nam mkha'i 'byung ba chen po e yig gi rnam pa zur gsum zhes dang /

dus 'grel [du] mngon [pa'i] thig le de bskyangs nas 'brel na chos 'byung gru gsum pa'i rnam pa'i e yig 'grub par 'gyur ro sogs dang /

《mgon po mngon 'byung》(text: 'byung) las / dbus ma zur gsum e yi dbyibs sogs rgyud mang po las bshad pa rnams la yang 'di'i e [illust.] chos 'byung rang gi gzugs su snang ba 'di kho na sbyar ba dang /

dbayngs can mar dznyaM sdeb sbyor la'o zhes par [illust.] yi ge 'di 'dra byung ba yang 'di pa'i dza yig 'di [illust.] 'dra ba ngos log bsgyur ba tsam du 'dug cing / klog tshul de yang rgya gar ltar 'dug pa dang /

khyud rnams las e waM gyi bshad pa mang du mdzad de / mtshon byed yi ge'i e waM gnyis 'dren byed rtags kyi e waM bhang ga dang / lingga'i gzugs su yod par gsungs pa yang da bar rang re rnams kyis lanytsa sogs la mi 'grig bzhin nan gyis (h254) sbyar ba yin mod / 'di'i e wam [illust.] 'di 'drar byas tshe nges par rnam pa gsal ba dang / der ma zad gleng gzhi thog ma'i yi ge bzhi ka 'di la ewaMmaya [illust.] 'di ltar yong ba pho mo'i rtags kyi rnam par snang bas ngo mtshar ba dang /

yi ge'i bstan bcos 'ga' las / yig gzugs rnams klog pa'i tshe lce rkan mchu sogs dbyibs ji ltar 'ongs pa de ltar byas zer ba yang lanytsa sogs la dka' mod / 'di'i yig 'bru phal cher la rnam pa gsal ba dper na / ra [illust.] lce 'dar ba'i gzugs dang / [illust.] rnams kha btsum pa'i gzugs dang / [illust.] lce bsgyur ba'i gzugs dang / [illust.] rnams kha btsum pa'i gzugs dang / [illust.] btsum ste phyes pa lta bu dang / [illust.] lce rkan la sbyar ba'i gzugs sogs su gsal ba'i phyir ro //

04  

'di dag cung zad mtshon pa tsam ngo sprad pa yin gyi / rgyud sde dang 'grel pa rnams las tsa 'khor yi ge rnam par gsungs pa dang / lang gshegs sogs su yig gzugs kyi dbyibs bshad pa gzhan gang la yang sbyor dka' ba rnams m'urya'i dus kyi yig gzugs 'di dang / 'di shas tsam 'gyur ba gupta'i rgyal khams su byung ba'i yig gzugs rnams dang 'bad med du 'byor ba dper na ka yig gdugs kyi dbyibs can du gsungs pa'i gupta'i yi ge mang por ka yig [illust.] 'di ltar yod pa sogs blo drang po zhig gis bltas na shin tu (h255) yang ya mtshan tshul 'di ni da bar gangs kyi ljongs su mkhas blun sus kyang rmi lam du ma rmis pas legs bshad rin thang can yin mod / phrag dog drag pos cer re longs pa rnams kyis nged kyi phyogs na dmag dang nor la sogs pa med par mthong nas da dung yang phud sgra dang bcas rgol bar byed do //

rgol na yang rgol du zad / yid mi ches na re zhig thang zan <ch>(唐曽)</ch> dang chag lo sogs kyi lam yig na gsal bas mya ngan med kyi rdo ring de yang waranasi'i dgon shul na 'greng bzhin lo nyis stong lhag thal te / de'i steng gi rgyal po'i ming gsal ba'i yi ge rnams la ltos shig / de lta mod kyi phrag dog can rnams su zhig gis mgu bar nus /

ngo mtshar gtam gyi gter mdzod sgo phyes kyang //
ngam gnag bzhin gyi gnyer ma mi sangs pa //
mdor na phrag dog can gyi skye bo 'di'i //
dga' ba'i dngos po gzhan gyi rgud pa nyid /

ces kyang smra'o//

gupta'i rgyal brgyud kyi skabs su blon thon mi sambhoTa rgya gar du byon cing / de dus kyi rgya gar dbus kyi yi ge la dpe byas nas bod yig bzos pa yin la / gupta'i rgyal po 'ga' zhig gi zangs kyi glegs bu dang rdo yig yod pa rnams bod yig dang ha cang 'dra che zhing / cung zad rgyang nas bltas na lag mi mkhas pa zhig gis bod yig bris pa bzhin yod pa dper na 'di 'dra ba yin la [illust.] (h256) [illust.] laka nai'i grong khyer du rgyal po nyi ma'i go cha'i rdo ring mchis par / nged kyi mthong ma thag tu tho re bklags pas paNDi ta mang po zhig rgad mo shor / 'di lo stong phrag tsam song ba'i yig rnying yin cing / nged rnams bslab kyang lhogs dka' ba la khyed ma bslab par klog pa ya mtshan zer / de ltar gupta'i yi ge rnams bod yig dang 'dr che bas bod pa ci yang ma bslab pa zhig gis mthong yang phyed tsam klog nus pa yin /

gna' dang po bod yig kyang cung zad gzugs gzhan du gnas par nges pas / de dus tsa na gupta'i yi ge dang ye khyad med lta bu yod tshod 'dug / der ma zad de dus kyi bal po'i rgyal po rnams kyi rdo ring / singgala'i yi ge / tha na gzungs snags kyi yig gzugs rgya gar bzhin rang sor bzhag pa'i rgya nag gi yi ge tshun chad kyang gupta'i yi ger snang zhing / bod yig dang 'di dag mtshe ma'i spun zla bzhin du mthong ba tsam gyis gcig la gcig 'dra bar snang ba dper na / bod yig ko / gupta'i yi ge [illust.] ko / singgala'i yi ge [illust. ] ko / rgya'i gzungs sngags kyi yi ge [illust.] ko 'di ltar bris pa sogs (h257) sems nag thom me ba min pa zhig gis mthong tshe ngo mtshar drags te rgad mo 'tshor ba zhig yong /

kum'aragupta'i zangs kyi glegs bu zur du bris pa la gzigs shig / lanytsa ni gupta phi ma'i dus kyi mjug rgyal po shriharshawaddhana klu dga' ba'i zlos gar mdzad mkhan de'i snga phyi tsam nas byung ba yin cing / de yang paNDita rnams kyis mdzes par bcos pa'i yi ge las rgyal khams kyi yi ge ni da dung yang gupta'i yi ge yin la de rim gyis 'gyur ba las da lta yul dbus pa sogs kyis shas cher bri ba'i nagara'i yi ge 'di nyid byung ba yin no //

05  

des na lanytsa ni dus kyang thu mi las 'phyis la mdzes cha btsal ba'i yi ger song gshis bri stabs kyang mi bde bas khyab de tsam du che ba zhig rgya gar rang du yang ma byung bar mngon pas / bod yig gang la dpe byas pa ni gupta'i yi ge kho na yin te / kun mkhyen bu sogs kyis kyang nagara'i yi ge la dpe byas gsungs pa las lanytsa sogs la dpe byas pa zur tsam yang ma bshad cing / de dus kyi nagara'i yi ge ni 'di nyid yin pas so //

'di dag kyang da bar sus kyang rnam rtog gi yul du ma shar ba bod mi 'khyams po zhig rgya gar du slebs nas stabs legs su rnyed pa'i ngo mtshar gsar pa zhig yin pas smra mkhan gyi kha stabs la ma dgongs par thugs dgyes par mdzod cig / gal te ma dgyes na bdag kyang lhag par mi bzod de /

mkhas pas rgyal khams 'grim ste bsags byas pa'i //
dbul po'i gces nor sa la bkram pa 'di //
(h258) snyan nas snyan du shub bur brgyud pa yi //
phyug po'i gser chos dag gis do zla min //

ces kyang smra'o //

rje zha lu lo chen gyis thu mis lanytsa la dpe byas nas dbu can dang wartu la dpe byas nas dbu med bcos pa gsungs shing / mkhas pa mang pos de zlos par mdzad mod / 'dra ba la rigs pas dpag ste gsungs pa tsam yin gyi mi bden pa zhig ste / dbu med ni dang po nas ched du bzos pa min par dbu can mgyogs par bris pa las rang bzhin gyis byung bar yig rnying gi dpe dang da dung yang lho yig tu grags pa 'brug yul na 'bri bzhin dag mthong na dngos su gsal ba 'di ltar sbrel te [illust.] 'di ltar bris pas dbu med kyi klad kor [illust.] 'di 'dra la wa yig la dbu can dbu med gnyis gzugs mi 'dra drags pas yun ring por ci ltar 'gyur tshul ma shes kyang phyis tsa na wa yig ('wa) 'di 'dra mhong nas go 'o //

yig rnying phal cher la tsheg steng 'og gnyis yi ge re re'i bar na gang:du:song:kyang:sogs 'di 'drar 'dug la tsheg steng 'og gnyis mnyam du bsres pa las dbu med kyi tsheg ring po [illust.] sogs 'di lta bu byung bar shes so //

yig mgo'i ting kyog 'di yang oM yig tu shes te / rgya dpe rnams la dbu shog gi dang por oM zhig bris 'dug cing / sngon dang da lta'i bar gyi rgya yig la oM gyi gzugs [illust.] 'di 'dra yin cing / de las kyang auM ring (h259) po ni ji skad du kun mkhyen bla mas / om ring dngos kun rang bzhin cha med rtag gsungs pa ltar bram ze rnams kyis 'gangs chen du brtsi gshis / yig mgo sogs na auM ring po 'di rtag tu yong / om ring gi gzugs rgya yig la [illust.] 'di yin cing // dpe rnying 'ga' la yig mgo'i ting kyog kyang [illust.] 'di ltar bris pa mthong bas 'di om yig gi gzugs 'gyur ba yin no //

06  

gzhan yang rnying ma'i gter chos rnams kyi mgo la [illust.] 'di 'dra 'dug pa 'di yang oM yig tu 'dug la der ma zad / gter yig rnmas la rkang re bzhin gyi mthar tsheg [illust.] 'di 'dra byung ba de yang gong du bshad pa ltar bod yig rnying pa la tsheg steng 'og gnyis re 'dug pa de'i srol du 'dug pas 'ga' zhig gis rkang re'i mtha' la rnam bcad thob na sgra mdo dang 'gal ces dgag pa mdzad pa yang don med du song la sog bzlog (text: zlog) pas / 'di ni tsheg drag la yang rung / bshad bris mgyogs tsam khyad par yin / gsungs pa yang mad do //

'di dag bsam tshe mkha' 'gro'i brda yig rigs mi 'dra ba mang du 'dug pas 'ga' zhig bod yig rnying pa'i gzugs yin nam yang snyam mo //

bsam tshod gcig la brda yig de dag slob dpon padma sogs kyis mdzad na lanytsa dang wartu sogs (text: soT) kyang 'ong srid snyam yang / khri srong gi sku dus tsa na yang yul dbus (h260) kyi yi ge 'char can pa ni gupta'i yi ge yin cing / gupta'i yi ge dang mkha' 'gro'i brda yig tu grags (text: graT) pa gnyis spyi'i dbyibs shin tu 'dra bar snang bas / shog ser 'khrul med cig rnyed na de'i cha shas mang tsam zhig gupta'i yi ge min pa'i nges pa yang mi 'dug mod / re zhig de gar lus so //

gang ltar na'ang brda yig de dag bod kyi yig rnying gi gzugs (text: gzuT) dngos sam cung zad bcos pa zhig yin par gor ma chag ste / gter ston rnams kyis o rgyan gyi yi ge yin / srin po'i yi ge yin sogs (text: soT) smra khams mang po byas kyang skad de ni bod skad rkyang las gzhan zhig gi skad yin pa'i sgros mi snang bas / bod kyi skad srin po'i yi ger bri ba'i don yang med la / gal te bris kyang sngon rjes sogs (text: soT) bod skad bzhin du dag par 'bri mi nus pa nges pas so //

bstan pa phyi dar gyi lo ts'a ba rnams kyis gdan drangs pa'i rgya dpe ngor dang zha lu sogs na bzhugs pa rnams ni lanytsa dang wartu da lta'i yongs grags de dang rnam pa mi mthun pa tsam las gupta yi ger bris pa sogs mi snang zhing / ngor du shog 'khar gyi steng du yi ge 'di 'dra zhig 'dug pa rgya gar du gupta'i dus kyi rdo sku zhig gi khri la dngos su mthong bas de yang de dus kyi yul gru zhig gi yi ge yin lags shing / [illust.] (h261) lar rgya gar 'dir sngon rgyal po mang pos bzung zhing / de dag kyang phan tshun dgra byed pa sha stag byung bas yin nam yul gru re re bzhin du skad dang yi ge mi 'dra ba re yong gin 'dug cing / dharmaashoka ni ryga gar spyi'i gong mar gyur cing / de dus yul kun tu yi ge gcig pa'am rgyal po'i rdo ring rgya gar gyi yul khams mi 'dra ba gang na yod pa rnams morya'i yi ge gcig pur bris so //

des na gupta'i yi ge 'dir bris pa dag kyang gupta'i rgyal khams na dar ba yin gyi rgya gar hril po'i yin snyam du bzung bar mi bya'o //

07  

da ni kun gyis yid ches par dka' ba 'di ltar smra bar bya ste /

de yang thu mis bod yig gsar bzos kyi skabs phyi mo'i rgya yig la bri bsnan ci ltar byas pa'i tshul la rje zha lu lo chen gyis bcu la daSHa / 'jig rten la lo ka sogs (text: soT) rgya skad la yod pas ca ja sogs (text: soT) bod skad la gsar du bsnan gsungs / phyis kyi rnams kyang de mkhas nyams shig tu mthong ste yang dang yang du zlos par mdzad / bsnan pa'i yi ge de rnams yin tu chug kyang / rgyu mtshan de tsho ni shin tu yang gyi na zhig ste / ka ba'i skad dod stambha'i nang du ka med / nam mkha'i skad dod akashya'i nang du kha yang med pas ka kha sogs kyang gsar du bsnan par thal bas so /

'gos lo gzhon nu dpal gyis / gsal byed las kyang Ta sde dang sde pa bzhi'i bzhi pa rnams dang SHa rnams dor / tsa tsha dza rnams la ca cha ja zhes rgya gar shar phyogs pa 'ga' zhig klog pas de gsum bzhag / rgya skad la med pa zha dang za'ang btsud sogs gsungs shing / ca cha ja rnams rgya sakd rang la yod pa lta (h262) bur gsungs / 'bri gung dpal 'dzin gyis rnying ma'i rgyud la ca cha sogs byung bas ma dag zer ba la / bla ma sog zlog pas kyang tsa tsha dza sogs klog pa'i tshe ca cha ja zhes 'don pa sngon dus kha che ba la yod sogs gsungs / 'on kyang de kun tsa tsha dza rgya skad la yod pa'i phyogs su dgongs pa mthun par mngon / lar ca cha ja nya pa pha ba ma / ya ha la sogs yul thams cad kyi byis pa brda mi 'khyol ba kun gyi lce la rang chas su yod cing / tha na nga lkugs pa phal che r gyis kyang brjod thub pas yig gzugs tsam la bsam na ma gtogs yi ge 'di dag yul gang gi skad la yang med pa rsmra na ma bsam pa yin /

(smras pa 'di dag la blo drang po'i sgo nas 'thad min gyi rnam gzhag 'dra byung na phran rang nas kyang rang gis mthong ba'i rgyu mtshan rnams gang nus su zhu ba lags/ de min 'o na si tu paN chen nor ba yin nam / bla ma lhag bsam nor ba yin nam / sku zhabs ga ge mo nor ba yin nam sogs ming can du ma'i mtshan tho bsgrags te 'jigs bskyed pa dang / zhang zhung gi rta pa dang / thu mi'i gtam rgyud sogs khungs su drangs na / kho bos lan cung zad kyang mi smra bar 'dod pa lags /)*1

rgya gar ba rnams la tsa tsha dza las ca cha ja khyed kyi yi ge la med ces smras na ha las thag chod / rgya gar shar nub yul dbus pa sogs hril pos ca cha ja jha nya zhes klog pa las tsa tsha dza dzha nya zhes klog mkhan (h263) gcig kyang med /

08  

der ma zad / tsa tsha sogs rgya gar ba la yun ring bslab kyang lces dag par mi 'khyol ba mngon sum yin / sngon dus su bris pa'i yi ge skyes gnas ston pa'i gzhung rnams na'ang sde pa gsum pa tsa sogs bklag dgos pa ye med zer / bdag kyang rang res smras pa de rna ba la yun ring du 'juags stabs zhen pa a 'thad che mod / rgyu mtshan mthong yang da dung bsnyon nus pa'i gzhan gyi snying stobs de tsam yang med gshis / phal cher de kar bden snyam pa mchis / 'on kyang rang res rgya skad tsa tsha sogs su bklags pa 'di nor na yang ches snga mo zhig nas nor ba yin gyi phyis tsa na ni min par gsal la / de yang rgya bod gnyis ka'i rigs (text: riT) 'dres pa'i bal po rnams kyis tsa tsha sogs gsal bar klog pas dus phyis rang re'i lo ts'a ba sogs la rgya gar ba las kyang khong rnams 'brel che stabs de'i shan byung ba min nam snyam /

zha lu dgon na gnubs chos grags kyi phyag bris rgya skad bod yig tu bris pa tshan mang po snang bar [illust.] sogs gzugs 'di 'dra 'dug pa tsa yin nam ca yin nyams mi chod kyang [illust.] de yang tsa yin nam snyam / ches rnying ma'i dus su rgya skad bris pa rnam la yang buddha la 'bud 'da' / dharma la 'dar ma / sangga la sang 'ga' / pradznya la par 'gya' / tsakra la tsa dkar / trailoka la tar re'i lo ka sogs sgra gdangs ni ltar 'thon pa bris la / gnubs chos grags kyi phyag bris su yang bu la 'bu sogs lan kha yar byung ngo / de dus hig nas sde pa gnyis pa tsa tsha sogs (h264) bklag pa'i rtags snang zhing / gnubs chos grags kyi phyag bris su chos gos kyi ming sogs la [illust.] bar zhes 'di 'dra 'dug pa tsa 'am ca gang yin dbye dka' mod / de yang phal cher tsa yin par mngon / de ltar rgya skad kyi gdangs ci ltar 'thon pa bzhin bris shing / bod dpe'i bsdu yig rnams la yang / dkyil 'khor la tal dang / med ces pa la Na/ bsam sogs la rjes su nga ro'i tshul du ma yig mgo la bzhag nas bris shing / dang gi tshab tu tsa sogs rgya yig nyams chag mang po bsres nas bris so /

[illust.] 'di tsho mthong tshe / 'bri gung dpal 'dzin gyis / dang po 'bus pas 'bu da ya / bar du dar bas dar ma ya / mtha' mar sangs pas sangga ya zhes pa'i sgra bshad rgyud du bris / zhes buddhadharma sangga'i sgra bshad blun po 'ga' zhig gis bris pa la dgag pa mdzad pa la / bla ma sog bzlog (text: zlog) pas / de 'dra yod na blun tshig las 'os ci yod de / 'on kyang gang na 'dug ston cig ces ngar mdzad kyang / sgra thal 'gyur gyi lung theg mchog mdzod du drangs pa zhig tu yang / sa zhes bya ba bskyed pa'i don / ma zhes bya ba ma nyams na / ya zhes bya ba g-yel gyur na / sogs samaya'i sgra bshad pa yang / sa gzhi dang ma mnyam bya ba'i tshig gnyis kyi yi ge dang po gnyis dang / g-yel bya ba'i ming gzhi'i yi ge la bsam nas bris pa ltar 'dug pas / rang re'i rnying ma'i rgyud sde rin po che rnams la bar bskabs su 'di 'dra re yod pa (h265) la yang bsnyon du med pas de tsam du yus che rgyu yang mi 'dug /

09  

'on kyang chos sku kun tu bzang po nas bzung ste da lta'i bar brgyud pa la lo stong phrag kha shas thal zhing / glang dar gyi khrims 'og blun po'i lag g-yog sogs (text: soT) mang po 'grim ste byon pa yin pas de tsam mthong nas gser dang sa rdo mnyam du 'dor ba yang snying khams che / rnying ma'i rgyud tsam du ma zad kyi spyir shes rab ye shes dge ba yin / de nyid slong bas dge slong yin / sogs gsar ma la yang byung ba yin / sngags kyi cho ga kun spyod gdams ngag sogs mu stegs dang dbye dka' ba yang mang zhing lha'i gzugs brnyan ni rnying ma las kyang gsar ma rnams mu stegs dang 'dra che dogs gnas che ba yang / rtog ge 'bar bar 'jug pa bcu'i gtam rgyud phyis kyi mu stegs rnams kyis blo bzo yin gyi sngon med par gsungs la gnas tshod la yang de ltar yin mod / dus kyi 'khor lor de sbyang gzhir sbyar na gsungs pa dang / gzhan yang lte bar la dang spyi bor ham bsgom pa'i 'bar 'dzags dag gi dmigs pa yang der sa'i chags tshul sogs phyis kyi phyi rol gyi gzhung la grags pa dag kyang gzhir brjod pa dang dus phyis brtsigs (text: brtiT) pa'i kla klo'i grong khyer rdi li'i ming byung ba dang / nga'i skad dod la ham gyi yi ge khog pa'i nang na rang byung du yod pa gsal 'debs pa'i phyi rol pa'i bdag bsgom tshul zab mo zhig yin cing / de bzhin du rtog rtsol gyi man ngag phra zhib mang po dang / spros bcas spros med kyi spyod pa sogs kyi phyi rol bas gang byed kyin yod pa dag legs par mthong tshe khyad par cung zad re la phyi rol pa'i lugs su byas nas 'dor ba (h265) sogs rnam dpyod phra la zhib pa 'dra ba ste mtshang rig par 'gyur ro /

de phyir mu stegs can la smad na rnam par snang mdzad ring bar 'gyur ba la khag mi 'dug cing / 'dir cung zad dpyad de rtog ge 'bar ba mdzad /


*1 gug rtags nang gi dum bu rnams shog gyar zhig la mchis pas 'dir min nam snyam ste btsud sgrig pa pos /

リロード   新規 編集 凍結 差分 添付 複製 改名   トップ 一覧 検索 最終更新 バックアップ   ヘルプ   最終更新のRSS
Copyright © 2004 Hoshi Izumi. All rights reserved.